شعری از انجمن حکیم نباتی
شعری از انجمن حکیم نباتی
| ایران |
|
اوجالسین
ویلایت له قارشی هر بیر زاماندا اوجالسین پرچم ایران اوجالسین ازلدن ظالیمین قارشیندا دورموش شانلی چون فاتح دؤوران اوجالسین اوجالسین پرچم ایران اوجالسین یاییلسین عالمه صلح و صلابت قیلینسین بیرلیگه وحدت جماعت یازیلسین حؤکم لر عدل و عدالت علی وار عدل ایله دیوان اوجالسین اوجالسین پرچم ایران اوجالسین یاییلسین هر یئره عطر ولایت یازیلسین داشلارا سطر ولایت ائیله سین بیزلری خالیق حمایت هر ائودن نغمه ی قرآن اوجالسین اوجالسین پرچم ایران اوجالسین دولانسین صلح ایله دونیانی هرکس آپارسین عدل ایله دیوانی هرکس صیدق اورک له وئرسین قوربانی هرکس قربة الی الله ایمان اوجالسین اوجالسین پرچم ایران اوجالسین چؤکوردسون کفر ایله شئیطانی یکسر یاییلسین وحدتین فرمانی یکسر ییغیلسین ظولمتین مئیدانی یکسر برابر لیک له بیر دؤوران اوجالسین اوجالسین پرچم ایران اوجالسین ییغیلسین یوللارا حسرتلی گؤزلر یول آچسین سینه دن هر گیزلی سؤزلر ناحاق دان سینیلمیش او شانلی پؤزلر وئررکن خطرینه قوربان اوجالسین اوجالسین پرچم ایران اوجالسین ولایت ساغلیغی ؛ خون حسینی بئجرمیش باغینا باغبان خمینی گلیبدی حفظ ائده دؤوره بو دینی نبی دن حشره تک بورهان اوجالسین اوجالسین پرچم ایران اوجالسین حسین بن علی ( ع ) کربوبلاده گؤروبدور دینیدن آد دیر هواده بیر قیام ائیله ییبدیر نئینواده امانت بیزلره قرآن اوجالسین اوجالسین پرچم ایران اوجالسین سون اولسون غئیبتی صاحب زامانین بیلینسین ارزیشی یاخشی یامانین یئتیشسین دادینا مظلوم قالانین یئتیشسین آخیرا هیجران اوجالسین اوجالسین پرچم ایران اوجالسین الینده ذوالفقار احمده بنزر دیلینده امیر مومنین حئیدر چیخانماز قارشینا دونیادا لشگر عونوانی حاق اولا طوفان اوجالسین اوجالسین پرچم ایران اوجالسین آی « ائلگین » وطنه گلسین ارنلر ناحاقدان جان وئریب ناکام اؤلنلر ولیّ ِ امرینه جاندان کئچنلر بسیجی آدلا چوخ گوردان اوجالسین اوجالسین پرچم ایران اوجالسین |
