قاراداغ اشعار - فرامرز احمدی
| قاراداغ |
| اشعار - فرامرز احمدی |
|
وورقون ائدیر هر اینسانی اؤزو چون قاراداغین سئحره باغلی هر داغی سئیره چکیر یارانمیشا حیاتی قاراداغین سئحره باغلی هر داغی
سیر کانی دیر زر توپراغی لعل داشی درک ائیله مز ساتقین اولموش هر ناشی آیاق توتوب هاردان هارا وار باشی قاراداغین سئحره باغلی هر داغی
قاراداغین هر ماحالی گؤزلدی گؤزه للیک ده اینجه اولوب ازلدی هر باخیش دان باخیشلارا مثلدی قاراداغین سئحره باغلی هر داغی
عصیرلردن پایی واردیر دویونجا هر پایینی بیر نیشانا قویونجا خزینه دیر هر عصیرین بویونجا قاراداغین سئحره باغلی هر داغی
امانتدیر کیمدن کیمه قالیبدیر کیم ساخلاییب کیملر یولا سالیبدیر کیمه حسرت کیمه سئوینج آلیبدیر قاراداغین سئحره باغلی هر داغی
کیم باش قویوب یولوندا ، کیم جان وئریب وورقون اولوب وارلیغینا قان وئریب یاغیلارین توتوب بوغوب سان وئریب قاراداغین سئحره باغلی هر داغی
هر « ائلگین » ین فرحله دیر اوره یین نئچه سایا عطیرلی گول چیچه یین جانا توتور یاسا باتمیش دیله یین قاراداغین سئحره باغلی هر داغی
|
