تک قویوب گئدی آمان گـور نئجه دیلدار منی

 

         تک قویوب گئدی آمان گـور نئجه دیلدار منی !

        

           آیریلیق غوصه سی اتـمیش یئنه بیمار منی

     

         یارانیب دالـغـالــی طوفـان ایـچـریـمده یـا رب

      

           غـرق ائدیــر غــــــم دنیزینده بئله افکار منی

      

           آیریلیق جورونا دوزدوم ائله کـی قال یاتسین

     

          درد حــرمان ائــده جک باشدا نـگـونسار منی

      

         صبر ائـدیـب قـالمالـیـام ایـلریـــله فـورقـت ده

    

         بــو گــونــه سالدی یـامـان یار فسونکار منی

     

           انزوا گــوشه سینی دوتموشام آمما گـورورم

      

            هــله ریشخـند ائـلئـیـر دَیـقـه ده اغـیـار منی